兩年前聽 Paul Wong 介紹﹐買左隻 Art Hobby Elster 1.5m HLG ( 好似呢隻 Hyper http://www.arthobby.com/gliders/specs/hyper.html ). 但係跟着見無人玩 HLG﹐ 所以就丟低左。呢排 DLG 咁人氣﹐ 於是就囉返出黎整﹐嘩﹗ 睇番隻機簡直唔似樣﹐重力力﹐ V尾 ﹐ 條尾通又短﹐ 完全唔似 fing 得既機。於是決定改裝下﹐重量無得搞﹐只係唸著加長條 aileron 到 full span, 又加長條尾通﹐同埋改十字尾﹐用全動尾板。
用炭纖卷條通黎駁長條尾失敗左一次﹐但第二次就掂。以為整塊水平尾板好容易﹐點知?
第一次用 3mm balsa 底面鋪一塊 0.75 oz 玻璃纖維﹐然後用 mylar 包著﹐再夾係兩塊玻璃中間﹐用兩舊大鐵壓實。呢 epoxy 乾左後撕走塊 mylar, 嘩﹗鏡面﹗好掂! 囉去磅下﹐大鑊﹗機頭要墜等同 3 個 servo 既鉛至可以定到個 CG﹗
第二次改用 2mm balsa, 仲踏登揀塊輕身既板﹐掃完 epoxy 後又用廁紙索走多餘既膠. 真係輕好多﹐但係由於太少 epoxy, 有D地方塊纖維浮起﹐又唔掂 !
唸左好耐﹐覺得可能係壓力唔夠﹐今次決定用真空袋﹐又放入暖箱焗著﹐等 D epoxy 稀D﹐容易D流。唔知係唔係兩塊玻璃擺得唔好﹐其中一塊焗焗下竟然斷開﹗ D epoxy 乾左 後囉塊尾板出黎睇﹐好彩無事﹐算啦﹗收貨啦﹗
塊 2mm balsa 未鋪纖維既重量﹕ 5.2g
剛剛係真空袋囉出黎﹐面頭塊玻璃斷左
撕走兩塊 mylar 後
剪走邊邊D纖維﹐再磅下﹐重 8.4g
但係同呢鬼佬仲爭好遠﹐ 人地可以做到 5.9g﹐ 強度仲高好多
不過用呢個方法做出黎既尾板真係好直
整 DLG 真係好似做珠寶咁﹐呢工夫極度幼細﹐我自問唔掂﹐都係買完成機實際D。 Angus, 我隻 Salsa 幾時到呀﹗
