RC Slope Soaring in Hong Kong

星期六去清水灣上田下山行山，行經清水灣山頂放機位那張木椅，發覺張椅已經被密林包圍，個放機位已移出10多米山坡下，而且降落航道已被大樹所阻。
睇番10年前所影的相比對，以前少樹，我還記得那時還可以在後山玩DS，依傢那裡已經變成密林！我估再過一、兩年，清水灣的山頂位也不能放機！就如20年前清水灣舊山頂位一樣，當年可以大機迎風降落，依傢真是無限稀墟！就好似飛鵝山扎山道南位一樣，斜坡已變成密林，不能放機！

10年前清水灣山頂

今日清水灣山頂


還有將軍澳的碓填區已靜靜地殺上清水灣後山已前叫上流灣的地方，越填就越高，不久將來，清水灣後邊就可能無了山頂，或者多了個更高人碓出來的垃圾山！ 以前在上流灣對上山坡有個好好飛的西南風斜坡，依傢長滿樹，可能遲些也被碓填山所阻！


聽講紅花嶺一帶已被納人郊野公園範圍，還預備大舉植樹，飛友們可能又會少了一個好去處！

清水灣後邊以前是魚排，對出有個島，風景美麗，可惜無相

以前個島叫佛堂洲，英文叫 Junk Island，依傢顧名思意是垃圾島！
以前吹西南風，又無車上飛鵝山，我就會去上流灣對上個西南風斜坡飛，留下好多美麗回憶，我老婆今時今日仲記得好清楚，身紀大大佗住我個未出世的大女，跟我行(爬)上去放機，20年啦！，依傢佢一聽到我話去放機就no no no，話我當年嚇襯佢...要機唔要姆...

放機飛場越來越少.真可惜